Misrda bir oylik favqulodda holat
Misr muvaqqat prezidenti Adli Mansur chorshanba kuni mamlakat boʻylab siyosiy zoʻravonliklar avj olgani sababli bir oylik favqulodda holat eʼlon qildi.
Prezident bayonotida aytilishicha, armiya politsiyaga “xavfsizlik va tartibni saqlash, davlat va xususiy mulkni himoya qilish hamda odamlar hayotini taʼminlash uchun zarur boʻlgan barcha choralarni koʻrishga” yordam berish vazifasi yuklangan.
Favqulodda holatning e'lon qilinishi xavfsizlik kuchlariga fuqarolarni hibsga olish, uylar va transport vositalarini sud ruxsatisiz tintuv qilish imkonini beradi.
Bu chora chorshanba kuni erta tongda Qohira va Gizada hokimiyatdan ag‘darilgan prezident Muhammad Mursiy tarafdorlari tomonidan uyushtirilgan ikki o‘tirish namoyishini xavfsizlik kuchlari zo‘ravonlik bilan tarqatib yuborganidan bir necha soat o‘tib amalga oshirildi.
Turkiya tribuni
