Abatakuli edolobheni elisogwini lwaseTurkey i-Izmir bakhiphe intombazane eneminyaka emithathu ubudala emfucumfucwini yebhilidi elibhidlikile ngoLwesibili, ezinsukwini ezine ngemuva kokuzamazama komhlaba okubulala abantu eTurkey naseGreece.
Ungqongqoshe wezempilo eTurkey uhlonze le ntombazane ngokuthi ngu-Ayda Gezgin.
Ukutakulwa kwakhe kwenzeke ngemuva kosuku kukhishwe amanye amantombazane amabili, amathathu nenye engu-14 ephila emabhilidini abhidlikile edolobheni.
U-Ayda ubevaleleke ngaphansi kwemfucumfucu amahora angu-91 kusukela ukuzamazama kwangoLwesihlanu kugasele oLwandle i-Aegean.
Khonamanjalo, isibalo sabashonile ngenxa yokuzamazama komhlaba sifinyelele ku-102, ngemuva kokuthi abezimo eziphuthumayo belande izidumbu eziningi kwenye indawo edolobheni lesithathu ngobukhulu eTurkey.
I-US Geological Survey ilinganise ukuzamazama ku-7.0 magnitude, nakuba amanye ama-ejensi aseTurkey akubhale njengokuncane kakhulu.
Iningi lokufa kanye nokulimala cishe kwe-1,000 kwenzeka e-Izmir.
umthombo: www.euronews.com
